GAZEL

Beni candan usandırdı cefadan yar usanmaz mı

Felekler yandı ahumdan muradum şem’i yanmaz mı.

 

Kamu bimarına canan deva-yı derd ider ihsan

Niçün kılmaz bana derman beni bimar sanmaz mı.

 

Gamum pinhan dutardum didiler yare kıl ruşen

Disem ol bi-vefa bilmem inanur mu inanmaz mı.

 

Şeb-i hicran yanar canum töker kan çeşm-i giryanum

Uyarır halkı efganum kara bahtım uyanmaz mı.

 

Gül-ü ruhsarına karşı gözümden kanlu akar su

Habibüm fasl-ı güldür bu akar sular bulanmaz mı.

 

Değildüm ben sana mail sen itdün aklımı zail

Bana ta’n eyleyen gafil seni görgeç utanmaz mı.

 

Fuzuli rind-i şeydadur hemişe halka rüsvadur

Sorun kim bu ne sevdadur, bu sevdadan usanmaz mı.

 

FUZULİ